जनकपुरधाम — मधेश प्रदेश सरकारका तीनजना मन्त्रीले शपथ ग्रहण गरेका छन् ।
आइतबार मुख्यमन्त्री कृष्णप्रसाद यादवको शपथ सकिएलगत्तै तीन जना मन्त्रीले पनि शपथ ग्रहण गरेका हुन् ।
प्रदेश प्रमुख सुरेन्द्र लाभ कर्णले नेपाली कांग्रेसका जंगीलाल राय यादव र नेकपा एकीकृत समाजवादी कनिश पटेललाई बिना विभागीय मन्त्रीको रूपमा शपथ खुवाएका छन् भने जनमत पार्टी संसदीय दलका नेता महेश प्रसाद यादवलाई अर्थमन्त्रीको शपथ खुवाए ।
बाँकी मन्त्रलायको टुंगो विश्वासको मत पाएपछि गर्ने सरकारको तयारी छ । गत शुक्रबार यादव मुख्यमन्त्री नियुक्त भएका थिए ।
कांग्रेसका जंगीलाल राय र नेकपा एकीकृत समाजवादीका कनिस पटेलको मन्त्रालय भने तोकिएको छैन ।
प्रतिक्रिया
सम्बन्धित समाचार
