काठमाडौं । बिहार विधानसभा चुनाव २०२५ मा एनडीए गठबन्धन ऐतिहासिक विजयोन्मुख छ । चुनावी नतिजा अनुसार, एनडीए गठबन्धनले २०२ सिट प्राप्त गर्दा विपक्षी महागठबन्धन जम्मा ३४ सिट मात्र जितेको छ।
राज्यका २४३ सिटमध्ये सबैभन्दा धेरै बीजेपीले ८९ सिट जितेको छ। सहयोगी दल जनता दल युनाइटेडले ८५ सिट पाएको छ।
एनडीएमा समावेश चिराग पासवानको लोक जनशक्ति पार्टी (रामविलास) लाई १९ सिट प्राप्त भएको छ।
जीतनराम माँझीको हिन्दुस्तानी अवाम मोर्चा (सेक्युलर) ले पाँच सिट जितेको छ। उपेन्द्र कुशवाहाको पार्टी राष्ट्रिय लोक मोर्चा चार सिट जित्न सफल भएको छ।
राष्ट्रिय जनता दलको प्रदर्शन निकै निराशाजनक रह्यो। महागठबन्धनको नेतृत्व गरिरहेको पार्टीले जम्मा २५ सिटमा चित्त बुझाउनु परेको छ।
त्यस्तै, सहयोगी दल कांग्रेसले छ सिट पाएको छ।
भारतीय कम्युनिस्ट पार्टी (माले) लिबरेशनले दुई सिट प्राप्त गरेको छ भने असदुद्दीन औवेसीको पार्टी एआईएमआईएम ५ सिट जित्न सफल भएको छ।
इन्डियन इन्क्लुसिव पार्टी, माकपा (सीपीआईएम) र बहुजन समाज पार्टीले १/१ सिट प्राप्त गरेका छन्।
प्रतिक्रिया
सम्बन्धित समाचार
