महोत्तरी – प्रहरीले महोत्तरीको रामगोपालपुरबाट ट्रकमा लोड गरिएको अवस्थामा ४ सय ७१ केजी गाँजासहित एक जनालाई नियन्त्रणमा लिएको छ।

महोत्तरी रामगोपालपुर न.पा. वडा नं.०५ रामगोपालपुर चौक स्थित बर्दिबास जलेश्व२र सडक खण्डमा  ना ६ ख. २९१९ नम्वरको ट्रक १० वटा सेतो बोराको पोका बाँधी लुकाई छिपाई राखिएको प्लाष्टीकले कभर गरी प्लाष्टिकको डोरीले बाँधी मजबुत रुपमा प्याक गरिएको अवस्थाको प्रत्येक बोरामा ३/३ वटा पोकाको दरले ३० वटा पोका भित्र जम्मा ४७०.९६० किलो ग्राम लागु औषध गाँजा फेला  परेको प्रहरीले जनाएको छ

जिल्ला प्रहरी कार्यालय महोत्तरीले पत्रकार सम्मेलन गरी सो परिमाणको गाँजासहित मकवानपुरको राक्सिरांग गाउँपालिका ४ का २६ वर्षीय मानवहादुर मुक्तानलाई सार्वजनिक गरिएको हो।

यसबारे थप अनुसन्धान भइरहेको प्रहरीले जनाएको छ।