जलेश्वर । जलेश्वरमा एक होटलमा वेश्यावृति चलाएको आरोपमा प्रहरीले होटल सँचालकसहित ४ जनालाई पक्राउ गरेको छ ।

जलेश्वर नगरपालिका वडा नं. २ स्थित कोइराला होटेल तथा लजका संचालक ४५ वर्षिया महिला सहित प्रहरीले वर्ष २८ र ३६ का दुई भारतिय पुरुष र एक जलेश्वर नगरपालिका २ निवासी ६० वर्षिय पुरुष व्यक्तिलाई आइतवार दिउसो ३ बजे पक्राउ गरेको हो ।

पक्राउ परेका चारजनालाई थप अनुसन्धानको लागि जिल्ला अदालत महोत्तरीबाट मानव बेचबिखन तथा ओसार पसार मुद्दामा ६ दिनको म्याद थप गरि प्रहरीले अनुसन्धान अगाडी बढाएको छ ।

होटेल संचालकले केहि पिडित महिलाहरुलाई ललाई फकाई प्रलोभनमा पारी जवरजस्ती वेश्यावृतिमा लगाई अनुचित लाभ लिने कार्य गरिरहेको विशेष सुचनाको आधारमा जिल्ला प्रहरी कार्यालय महोत्तरीबाट खटेको प्रहरी टोलीले होटेल संचालक र थप तिनजनालाई नियन्त्रणमा लिएको तथा होटेल तथा लजको लजको लागि प्रयोगमा रहेको कोठाहरुमा पुरुषहरुसंग फेला परेकि तिनजना महिलाको उद्धार गरिएको जिल्ला प्रहरी कार्यालय महोत्तरीका प्रवक्ता डिएसपी शैलेन्द्र कुमार भट्टले बताए ।

उनले होटेलमा खानतलासी गर्दा विभिन्न तल्लाको कोठाहरुमा छुट्टा छुट्टै उनीहरुलाई फेला पारेको बताए । कोठाहरुको खाटको डस्ना मुनी,डस्टविन तथा भुईबाट प्रयोग भएका र प्रयोग नभएका अस्थाई साधनहरु समेत फेला परेको डिएसपी भट्टले थपे ।