जनकपुरधाम । धनुषामा एक जनप्रतिनीधिलाई गोली हानेर हत्या गरेको छ । धनुषाको मिथिलाबिहारी नगरपालिका वडा नं. ९ का वडाध्यक्ष विन्देश्वर यादवलाई गोली प्रहार गरी हत्या भएको छ ।

हिजो  शुक्रबार साँझ करिब ६ः०० बजेको समयमा मिथिलाबिहारी नगरपालिका वडा नं. ९ अन्दुपट्टिस्थित यादवलाई गाउँकै प्रहरी जवान सम्भु यादवले गोली प्रहार गरी हत्या गरेका हुन्।

गोली प्रहारबाट वडाध्यक्षको उपचारको क्रममा प्रादेशिक अस्पतालमा मृत्यू भएको थियो  । वडाध्यक्ष यादवसँगै उनका एक आफन्तलाइ  समेत गोली हानेको बताईएको छ । उनको उपचार सोही अस्पतालमा भईरहेको छ ।

स्थानीय तहको निर्वाचनमा उनी स्वतन्त्र उम्मेदवारीबाट निर्वाचित भएका थिए । घटनापछि प्रहरी जवानलाई धनुषा प्रहरीले नियन्त्रणमा लिएर अनुसन्धान अघि बढाएको जनाएको छ।