खानेपानी मन्त्री प्रदीप यादवलाई फोनमार्फत धम्की दिने र चर्को स्वरमा अभद्र शैलीमा कुराकानी गरेको आरोपमा पर्सा प्रहरीले टिकटक स्टार किरण शाहलाई नियन्त्रणमा लिएको छ।
प्रहरीका अनुसार वीरगन्जकी शाहले मन्त्री यादवलाई व्यक्तिगत नम्बरमा सम्पर्क गर्दै आपत्तिजनक शब्द प्रयोग गरेकी थिइन्। सो घटना सार्वजनिक भएपछि प्रहरीले उनलाई शनिबार बिहान पक्राउ गरी अनुसन्धान थालेको हो।
प्रहरीले घटनाबारे प्रारम्भिक अनुसन्धान भइरहेको र आवश्यक बयान लिएर कानून अनुसारको प्रक्रिया अघि बढाइने जनाएको छ।
सो क्रममा मन्त्री यादवले सामाजिक सञ्जालमार्फत आफूलाई फोनमार्फत धम्की आएको पुष्टि गर्दै यसलाई गम्भीर विषयका रूपमा लिएको बताएका छन्।
हाल पक्राउ परेकी किरण शाहलाई पर्सा जिल्ला प्रहरी कार्यालयमा राखी थप सोधपुछ भइरहेको छ।
प्रतिक्रिया
सम्बन्धित समाचार
