जनकपुरधाम । सामाजिक संजाल TIKTOK मा अभद्रता चरम सिमा नाघेको  बेला  TikTok Live मार्फत सार्वजनिक रुपमा अश्लील शब्द र गाली गलौज गर्ने एक युवतीलाई धनुषा  प्रहरीले नियन्त्रणमा लिएको छ।

जिल्ला प्रहरी कार्यालय धनुषाबाट खटिएको टोलीले जनकपुर उप(महानगरपालिका–२४ की करिब २० वर्षीया रोशनी खातुनलाई Tiktok  मा निरन्तर अभद्र भाषा प्रयोग गरेको आरोपमा नियन्त्रणमा लिएको हो।

प्रहरीका अनुसार उनलेLive भिडियोमा प्रयोग गरेको भाषा र व्यवहारले समाजमा नकारात्मक असर पारेको र सार्वजनिक नैतिकता र सामाजिक सद्भावमा खलल पुर्‍याएको ठहर गरिएको छ।

प्रहरी स्रोतका अनुसार, रोशनी खातुनविरुद्ध ‘अभद्र व्यवहार’ सम्बन्धी मुद्दा दर्ता गरिएको छ र जिल्ला अदालतबाट म्याद थप गरी उनलाई जिल्ला प्रहरी कार्यालयको हिरासत कक्षमा राखिएको छ। घटनाको थप अनुसन्धान भइरहेको बताइएको छ।

प्रहरीले यस्ता सामाजिक संजालमा अश्लीलता र अभद्रता फैलाउने गतिविधिहरूलाई नियन्त्रण गर्न निरन्तर निगरानी भइरहेको जनाएको छ। कुनै पनि सामाजिक सञ्जाल प्रयोगकर्ताले डिजिटल माध्यमलाई गलत उद्देश्यका लागि प्रयोग गरे कानुनी कारवाही अवश्य हुनेछू, प्रहरीले चेतावनी दिएको छ।

उनीहरुसँगै टिकटकमा भाईरल हुने होडमा गालीगलौजमा उत्रेकी आरती झा नामक युवतिलाई समेत प्रहरीले सुधारको निशानामा राखेको छ ।